昔日東方冠忠南區硬撼傑志
南區上場聯賽不敵港會，更有基哥利領紅及宋柱浩熱身時拉傷，今仗未能候命，但「藍鳥」借將趙聡悟則可上陣。主教練楊正光稱會注重防守，目標搶分而回：「雖然我哋首循環和過傑志，但佢哋班球員愈夾愈熟，狀態比季初好好多，一定要打醒精神，踢番場爭氣波。」
陳凱柏有望100戰里程碑
由於翟廷峯需處理家事，曾缺席操練，因此陳凱柏是役有望擔正，第100次代表球隊在頂級聯賽上陣，他希望2025年首戰有好開始：「馬查度、潘沛軒同羅梓駿都好擅於側擊，我會睇多啲片了解佢哋嘅踢法，今季對上一次喺聯賽擔正就係對傑志，但當時唔好彩傷出，希望新一年重新開始。」
傑志早前趁港超聖誕休戰期，前赴新加坡作短期集訓，兼與當地勁旅獅城水手閉門「拍跳」。主教練卡度素指有助保持球員狀態，同時透露未有隨隊的主力如明加索夫及慈英傷勢沒有大礙，今場可隨時候命。
卡度素：爭冠不容再失
力爭衞冕聯賽的「藍鳥」目前僅排第4，卡度素希望球隊在2025年重新出發，每場都全力爭勝：「南區防守相當硬淨，首循環主場對佢哋都失過分。不過我哋明白要爭冠嘅話，就唔容許再失分，呢場波好重要，目標一定係擸晒3分，有信心下半季球隊可以重返正軌。」
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
