政情：修例將規管寵物店 為貓隻植晶片

之不過，署方話現時需集中處理《防止殘酷對待動物條例》嘅立法工作，因涉及引入照顧者責任，要求飼主等照顧動物，避免遭受痛苦或傷害。但署方就同意從速修改《持牌動物售賣商營業守則》，持牌動物售賣商或寵物店等必須為貓隻植入晶片，有關諮詢工作已完成，會盡快整理落實。

正所謂沒有買賣就沒有傷害，劉國勳話署方十分關注網上非法買賣動物嘅情況，已成立專責小組加強打擊，且去信相關嘅網上平台，要求將有關買賣動物內容下架，港方亦會同內地海關密切聯繫，以杜絕不法源頭。至於流浪動物方面，會繼續推動捕捉、絕育、放回嘅做法，話喺元朗及長洲兩個試點中，都達到預期嘅效果。