政情：白田邨房署規劃失當疑私了 區會用字敏感惹拗撬

深水埗區議會嘅環境、衞生及房屋事務委員會尋日召開會議，席間討論到入伙超過半世紀嘅白田邨，重建後嘅公共空間同設施都出現規劃失當嘅問題，與會嘅部門代表回應話會檢視情況，將與區議員吳美落區視察。深水埗區議會主席覃德誠對回覆感到不滿，質疑部門「搞大龍鳳」而冇向區議會詳細交代，直斥情況猶如「私了」。由於覃所採用嘅字眼喺近年比較敏感，吳美聞言直呼不當，話咁講好容易令人誤解喎。