政情：入境處推60周年限量版薯片 答謝同事

消息人士話，入境處為慶祝部門成立60周年，同答謝一眾同事喺抗疫期間嘅付出，將於5月下旬向入境處人員派送限量版薯片，鼓舞士氣之餘又可以當零食，一舉兩得。除此之外，入境處之前仲設計咗多款實用紀念品，包括兩款60周年版口罩同卡套等，希望同事一齊分享「甲子」喜悅。

入境處成立至今已經60年，一直與時俱進力求創新，不單止喺設施同系統上不斷追求突破，就連慶祝活動都別出心裁，未來一年仲話會進一步數碼化服務，包括出入境及簽證服務等。