發揮「打不死」精神 香港豁出去強戰伊朗

香港門神葉鴻輝

香港隊現時在「2022世界盃亞洲區第2圈暨2023亞洲盃外圍賽」C組以5分排第4名，欲晉級餘下3戰要全力爭勝。首仗今晚面對「波斯軍團」，主教練麥柏倫直言對手是「亞洲1哥」，對港隊來說是巨大挑戰，但絕不會輕言放棄：「老實講伊朗無論喺戰術、速度同體格都比香港優勝，但球員清楚喺絕境下有咩工作要做，我好肯定港隊可以打出一套令伊朗驚喜嘅戰術。我哋要有信心，球員一定要懷着『香港永不死』嘅精神應戰！」他又透露，數天備戰進度理想，陣中並無傷兵，唯「麥帥」抱怨大會安排的訓練場質素參差。

葉鴻輝盼保持零失球

港隊「門神」葉鴻輝則指出，賽事用皮球與平時不同，踢球球速較快，但經過數天訓練後已適應球感。他又坦言對手伊朗是「亞洲數一數二」隊伍，但有信心可以為港隊保持不失：「作為龍門好希望每場波保持零失球，上次主場對伊朗嘅比賽，對今次部署有好大幫助。」陣容方面，後衞羅拔圖因黃牌夠數停賽，惟其餘球員悉數可披甲。

香港子彈夏志明

伊朗翼鋒查漢巴克殊

伊朗現教頭為克羅地亞籍的史葛施治，他自去年2月接過帥印後，雖然執教場數不多，但領軍3戰均獲勝，當中包括去年尾2比0贏波斯尼亞，以及今年3月3球淨勝敘利亞。目前伊朗以6分排在第3位，出線形勢相當嚴峻。今次伊朗大軍名單可謂星光熠熠，包括效力白禮頓的查漢巴克殊、波圖前鋒達利美，以及號稱「伊朗美斯」的辛尼特鋒將阿斯蒙。就連剛助賓福特升班的沙文高度斯，也趕抵會合大軍，令「波斯軍團」火力更猛。對港隊來說，今仗賽前較為利好的消息，可能是伊朗大軍周一才抵達巴林，比港隊少兩天準備時間。港隊要抵擋對方來襲，還需先從防守做起，再靜候反擊機會。

另外，為讓香港球迷能夠支持港隊，足總已經與Now TV、當地相關部門配合後，確定Now TV將為3場港隊賽事提供直播。球迷可透過Now 630、Now 633、Now隨身睇及Now體育App收看賽事直播。