周日港超冠忠南區對晉峰的煞科戰，看台出現一位久違的面孔，他就是前香港隊後衞，兼效力過公民、太陽飛馬、東方等本地球會的41歲名將「法叔」法圖斯！
「前年踢完中甲後我返咗祖家尼日利亞，直到今年4月初先返番嚟香港。」這名曾為香港隊上陣過28場的41歲名將，自2015年踢完東方後，便「北上」展開4年中國足球生涯，各項賽事上陣87場攻入10球。惟自2019年球季完結後，法圖斯便在十分低調的情況下遠離球迷視野。
問到法圖斯「退役」後這1年多何去何從時，法圖斯語氣加重地說：「我未退役喎！仲想喺香港踢波，不過暫時未搵到球會，我自己就想再戰港超聯！」闊別港足多時，記者聽到「法叔」想再戰港超的消息時當堂嚇一跳！就連他在公民年代的舊隊友費蘭度見到「法叔」也感到相當錯愕，二人更為此寒暄暢談近5分鐘。
