陳肇鈞加盟標準流浪

港超球會標準流浪昨午宣布,簽入已經與前球會冠忠南區解約的中場球員陳肇鈞(Philip仔)。流浪總監李輝立透露,一直希望與這位28歲中場「再合作」,並明言感謝冠忠南區能夠成人之美。

據悉,本身「Philip仔」與南區仍有合約,但盛傳因為合作問題,季初起一直被投閒置散,更未有在港超名單中註冊。停擺期間,盛傳流浪首席顧問梁守志一直為這宗轉會向各方游說,最終陳肇鈞與南區達成解約協議,與標準流浪簽約。

李輝立︰感謝南區成人之美

同稱為Philip的流浪總監李輝立對陳肇鈞的加盟感相當欣喜:「我一直好欣賞『Philip仔』,佢14、5歲已經跟過我哋練波,我曾出過信推薦過佢去巴西跟操,到佢返嚟我一直都有留意佢,踢得又讀得書。今次返嚟係一種緣分,佢離開南區好多球會都搵佢,但佢最終揀呢度我都好驚喜。希望佢幫到我哋啲年輕球員,爭取成績之餘又可以搞得好球員氣氛。」他又感謝冠忠南區能夠成人之美:「過去一個月同『Philip仔』成日傾計,我哋無意同南區爭球員,最終達成協議就好多謝南區主席陳文俊同管理層,能夠遷就到球員畀佢發揮到所長。」

28歲的陳肇鈞於2011至12年球季於深水埗出道,曾效力過橫濱FC(香港)、南華、東方龍獅。2018至19年球季轉投和富大埔後奪得港超聯冠軍,其後轉到冠忠南區發展,上季為南區上陣22場並攻入2球。