曾錦濤為愛堅持

最差年代出道人工幾千

回想當年剛出道，人工僅得數千元，曾錦濤就是在那個年代決定以足球成為職業。「嗰陣好多球隊都出7隻鬼，競爭太大，加上人工太低，可以話最差嘅年代。」你可以說是生不逢時，但其實換個角度，也是一種鍛煉，可以令人磨練出過人的意志。

「真係鍾意足球，好難話突然放棄。」為愛堅持，似乎是簡單的道理，但特別在經歷2009年東亞運奪金後，「阿濤」更能確定，自己沒有選錯路。「當時成個比賽都冇踢過，臨危受命第一場就踢決賽，仲要係正選，當時感覺係好驚，但一開波冇得你驚，有幾多跑幾多。」事隔11年，奪金一刻仍歷歷在目，他更笑說當時留下激動的眼淚：「咁多年都未試過，原來真係會喊出嚟。」

足球除了是工作，也是樂趣。	轉投理文後，在聯賽第２周便與「前度」交手。	「阿濤」（左）希望自己的經驗能幫助年輕隊友成長。

「唔夠精彩？我已經好好彩！」

舊記憶當然美好，但這個高峰後，曾錦濤的足球路，只能用平穩來形容，沒有大起大跌不夠精彩？他卻認為自己已經很「好彩」。「去到傑志同東方，起碼喺大會冇咁容易畀人淘汰，同埋早幾年喺傑志跟住『均宜』、『嘉緯』進步得快又學到嘢，好過喺出面浮浮沉沉。」

「太太」Rosanna給予「阿濤」莫大支持。（曾錦濤Fb圖片）

「阿濤」都係愛毛孩之人。（曾錦濤Fb圖片）

由香港08出道到華家堡，再加盟傑志、東方，奪過不少錦標，亦踏入了「而立之年」，但他仍然希望繼續前進，更期望再次入選港隊。「踢得波就想代表自己嘅地區！」這顆89年的「滄海遺珠」始終堅信，隨時準備好自己，就是對這個最愛和自己最好的交代。