艾華頓成4料大贏家

艾華頓今季非但協助東方龍獅贏得盃賽雙冠，更連擸4項個人獎項，當然非常開心：「多謝每一場比賽都咁支持我哋嘅球迷，以及一班隊友同埋球隊嘅職員對我嘅支持，對我同屋企人嚟講都十分重要。」

伊高迪布利並列神射手

另邊廂，今季神射手由富力R＆F孖寶伊高沙托尼、迪布利，以6個聯賽入球共同奪得。伊高沙托尼回應獲獎時表示︰「多謝我嘅隊友，教練以及一眾職員喺呢個球季對我嘅協助，亦都要多謝一班球迷鍾意我，以及對我一直以嚟嘅支持。」對於獲獎，迪布利顯得比較激動，更抱着小孩一起發表得獎感受：「非常高興可以成為聯賽神射手，多謝一班隊友、楊正光教練、助教Mirko同富力咁多位對我嘅支持，好享受過去兩年同你哋相處嘅時間，祝福同感激大家！」至於「菁英盃」決賽最有價值球員，則落在傑志小將陳晉一身上。