聽講連埋尋日去嗰批，同埋較早前自己上去嘅杜度同唐道碧，應該有31個和富大埔職、球員去咗勞工處，追討3月份出唔晒嗰40%，未出嘅4、5、6月嘅糧，仲有少少嘅獎金。至於唔喺香港嘅好似金承龍、金玟基同雲美亞斯幾個，應該就會透過佢哋當地嘅足總幫手追喇。
勞工處就上咗喇，咁之後程序係點呢？都係聽講o架咋，勞工處會安排大埔體育會嘅代表，同相關職球、員喺下個星期坐定定，睇吓拆唔拆得掂，若果拆唔掂都幾麻煩……最後要出動破欠基金就大家都唔想啦！距離「傾偈」仲有個幾星期，希望有關人士把握時間，行番出嚟搞掂佢啦！Over Over，收唔收到呀？
大頭