桌球壇復賽，很多球手都以新look示人，令球迷有所驚喜，人氣球星奧蘇里雲日前就以「二撇雞」亮相，而澳洲型男「啫喱仔」羅拔臣周一在冠軍聯賽登場，就以「雀巢頭」示人，即使轟出3桿破百，但最終於小組賽提早畢業。
羅拔臣開局對住世界排名83的羅瑟勒姆新星卡迪，「起迫」119，但24歲的卡迪愈戰愈勇，連贏3局反勝「啫喱仔」。世界排名第二的羅拔臣看來狀態麻麻，隨後對前世界冠軍杜赫迪雖然以2比2打和結束；但其後再對住馬芬輸1比3，在復賽第一個賽事出局收場，反而90後新星卡迪則順利躋16強。
回復昔日「雀巢頭」的羅拔臣賽後話再次踏入場館比賽非常陌生：「感覺真係好陌生，但我覺得自己打得唔錯，希望未來嘅賽事有好轉。」羅拔臣於6月20日將會爭逐下一個比賽——巡迴錦標賽，首圈將對住中國的丁俊暉。