羅港威疫境波求雙贏

「虢礫緙嘞」（粵音︰戟溺咔嘞）這4個字經常掛在大家嘴邊，但相信能夠直接寫出正字的人不多，寓意他們從商戶收集林林總總滯銷的貨品，再透過社交媒體於網上直播作介紹，並以較市價低的價錢出售。「港威」坦言，初時不斷向商戶派卡片解釋公司成立的理念時，也遇過碰釘的時候︰「其實開頭都困難！人哋可能會懷疑我哋，係咪想趁呢個時候呃人，或者會覺得我哋同其他網店一樣咁做代理。不過我哋做嘅第一次直播，最高峰曾經有百幾人睇，大家都會見到我哋嘅貨比出邊平好多，因為我哋嘅目的係幫人清貨，價錢亦係商戶畀我哋嘅。不過做生意冇話一嚟就做得到，所以都係要慢慢嚟，希望嚟緊會有更多商戶信得過我哋去幫佢哋清貨！」

創業遇疫情 有危才有機

與「港威」合夥投資6位數的兩位好友，正是昔日跟他踢街場的波友，其實他們現有的經營模式，早於7年前便已產生構思，惟遲遲未能將其實現，無奈現在於創業時卻遇上疫情，不過認為「有危才有機」的「港威」則表示，十分享受與老友一起合作的過程︰「我反而覺得依家呢度都同踢波有啲關係，始終踢波係要付出先會有成果，我哋3個人無論喺錢、時間或者喺其他分工上都有努力過。雖然我未做過生意，但係就覺得可以一試，就算依家喺逆市去做呢件事，起碼成件事係好有意義，我哋唔係話想去賺大錢，但我覺得幫到人呢個先係重點。」

學習階段盼愈做愈好

「港威」續道：「我哋啱啱做咗5次直播，雖然開頭啲落單都係得好少，其實我哋每一位都係喺度學習緊，去到之後真係開始多咗人買嘢嘅時候，嗰個成功感好大，到最近做完直播真係有商戶去搵我哋，我相信當大家知道我哋係做緊啲乜嘅時候，件事只會愈嚟愈好！」

圖、文：何彥霆