周圍偷師最愛史高斯

林恩許之前曾提及，自己的最佳位置是防守中場，奈何這幾年效力「藍鳥」一直被委派進攻的工作。惟隨着年齡漸長，Jared的想法愈趨成熟：「我永遠為球會全力付出，只要幫到隊波，就算要我打右閘都冇問題。」他又透露，兒時曾仿效一位曼聯球員學打中場：「因為我係一位『紅魔鬼』狂粉，所以細個成日睇史高斯踢波，自己都會學佢嘅踢法。」不過，自踏入職業足球後，他開始吸取不同的足球理論，追求成為一位稱職的中場球員：「我係一個『Add and subtract』嘅球員，見賢思齊，反之亦然，所以我一直會參考唔同人嘅風格，調整自己踢波嘅方法。」