富力R&F擺擂台 迎擊標準流浪
今午港超聯另一頭場賽事，於聯賽高踞榜首的富力R&F，2020年首次坐鎮主場，下午2時30分面對標準流浪的挑戰，主教練楊正光明言：「新一年當然希望攞3分，因為傑志逼緊我哋，所以今場不容有失！首循環雖然感覺上好大對比，但佢哋有基藍馬同杜馬思歸隊，預計會比較注重防守，我都提醒班球員要保持耐性，利用兩邊打破缺口！」
楊正光對「林盧組合」有期望
富力早前成功從東方龍獅引入中場指揮官林嘉緯，再次與盧均宜成為隊友，「楊Sir」對這個組合充滿期望：「佢哋嘅默契已經好好，希望以往嘅經驗可以帶嚟富力！」惟早前傷出的前鋒袁振昇證實韌帶4成斷裂，並將接受手術。
標準流浪首循環曾以1比7不敵富力，教練團坦言：「嗰場我哋頭30分鐘防守得好好，只係畀對手攻入咗1球後，集中力同士氣都下降，今場目標係連一個機會都唔畀富力！」球隊近日增添兩名本地守將迪達和北村祝，加上隊長杜馬思復出，教練團認為防守力將大有提升：「始終佢哋嘅對抗性同身體質素都比年輕球員強，最重要係球員可唔可以喺90分鐘內保持紀律，然後透過反擊畀到麻煩富力。」由於首席射手巴辛仍在休假，未有隨隊北上。