香港飛馬借慕沙文Sir：睇中佢好耐
港超球會香港飛馬昨日公布，成功向東方龍獅借用巴西前鋒慕沙至季尾。飛馬主教練文彼得期望慕沙能加強球隊進攻能力：「我哋缺乏一個有活力嘅前鋒，慕沙上季踢元朗時，我已經留意佢，希望佢可以幫到飛馬！」
前佳聯元朗隊友故劍重逢
今季飛馬擁有多名去季效力佳聯元朗的本地球員，如陳柏衡、陳曉鋒、李藹軒、嚴啟華等，「文Sir」相信慕沙能極速融入球隊。至於增兵計劃，「文Sir」透露外援已有目標人選：「目前都傾緊啲中前場球員，喺外國有2個選擇，計埋艾華有3個選擇，但仲係考慮當中。」由於目前飛馬只得梁興傑、羅境曦兩位門將，「文Sir」坦承：「依家物色緊一個本地龍門，但隨緣啦，如果有好嘅我哋都會洽談。」
現年26歲的慕沙今季由佳聯元朗轉投東方龍獅後，各項賽事合共上陣9場並取得3球，表現不如去季般突出，加上辛祖與盧卡斯加盟東方龍獅，慕沙的上陣機會料會大幅減少。
將披上14號球衣的慕沙盼望與一眾前隊友重拾上季光芒：「我好開心可以嚟到飛馬，呢度有唔少球員係我上季喺元朗嘅隊友，仲有同鄉大衛拉菲爾，我有信心大家可以踢番上季嘅好表現！不過我唔會訂目標畀自己，淨係想好好把握機會入波，深信球隊有能力贏波同爭標！」
圖/文：陳焌鏗