近季繼續保持高水準演出，卻接連與港隊大軍名單擦身而過，就算「阿謙」本人不會將「失望」兩字掛在口邊，但總是有球迷替其大感不值。「冇話失望唔失望嘅，每一位教練選人都有佢嘅準則，球員唯一可以做就係喺球會畀心機練習，落到場盡情發揮，用表現說服教練。」今季多次在賽事中作出精彩撲救的謝德謙謂。
有真心支持的球迷，當然亦有總愛潑冷水的球迷留言：「入選又點？點都係葉鴻輝打正選！」對此「阿謙」有其睇法，他說：「入選香港隊嘅球員，都希望可以對隊波有所貢獻，落場爭勝係貢獻，隊友間互相幫助提升狀態係貢獻，練波分隊賽踢副選隊都係貢獻，呢方面絕對唔需要執着。」「阿謙」三言兩語即盡顯大將之風。