on.cc東網直播爭標強手激鬥 冠忠南區夜戰傑志

「中銀人壽香港超級聯賽」今晚8時於旺角大球場上演獨腳戲,冠忠南區迎戰傑志。南區6日內踢兩場比賽,相反傑志則半個月有多未有比賽,球員狀態勢成今場勝負關鍵。雙方貴為今季聯賽爭標分子,定必各不相讓,誓要拿下3分以保持競爭力!(on.cc東網周五晚8時直播)

冠忠南區周日(29日)逼和佳聯元朗,相隔6日再次主場出擊,主教練鄭兆聰坦言此戰表現屬水準之下,短時間內再戰反而對球隊有利。

鄭兆聰:證實力睇呢鋪

鄭兆聰(Ricky)說:「球員知道上一場波已經係最差,今場一定要表現番好啲!我同佢哋講要保持呢種心態,因為我做過球員,當你踢得唔好嘅時候,你好想下一場快啲嚟,因為你好想證明自己嘅能力!」Ricky亦表示球隊有足夠時間作恢復,喜見上場頂替狄卡奧上陣的溫俊,已成功擺脫傷患,表現亦合乎預期。今場迎來爭標主要對手之一的傑志,鄭兆聰透露需做好防務:「傑志今季似乎着重進攻多過防守,當然我哋要做好防守,因為傑志個別球員嘅能力好好。」

施利斯高域:目標就係贏

「賽馬會社區盃」因安全理由改期,加上原定周二(1日)作客理文的賽事延期,傑志已有長達19日未有正式比賽,主教練施利斯高域覺得球隊未受太大影響:「長時間冇比賽的確係一個問題,因為會影響球員心態。但對我嚟講,最困難反而係點樣揀18個人出戰今場賽事,因為所有球員喺訓練上都表現得好好。」

傑志上輪聯賽兩度領先下遭佳聯元朗逼和2比2,今仗面對冠忠南區,施利斯高域稱:「南區好有實力,我睇過佢哋兩場比賽,都踢得好好,我哋會踢得更進取,對邊隊都唔會輕敵,因為我哋只有一個目標,就係贏波!」人腳方面,前鋒盧卡斯、中場史雲斯頓因傷缺陣。