鄭裕彤中學衞冕響頭炮
「港九中學校際排球比賽」昨日在佛光街體育館掀開D1女子甲組戰幔，力爭衞冕的順德聯誼總會鄭裕彤中學，直落兩局輕取東華三院呂潤財紀念中學；同日另一場比賽，拔萃女書院亦以同樣局數擊敗培正中學。
衞冕冠軍「王者」鄭裕彤中學對陣呂潤財紀念中學，鄭裕彤的正選陣容並無大變，開局迅即佔盡優勢，完全沒有給呂潤財喘息的空間，由頭帶到尾並大比數拋離對手，第一局先贏25比2。鄭裕彤在第二局領先下，輪換一班後備及新升上甲組的球員上場，讓呂潤財獲反撲機會，加上場邊同學落力打氣，暫停後曾一度收窄比分，但鄭裕彤始終技勝一籌，以25比13再贏一局，直落兩局輕取對手。
作為隊中的「老大姊」，鄭裕彤中學的主將林芷靖希望球隊能夠「穩」中求勝，「打咗5年波，學識放鬆，唔好緊張，唔使諗住要表現自己，要殺到一球好靚嘅波，唔好打失，做好自己本分。」除了能夠再度高舉冠軍獎盃，「芷靖」笑言教練陳紹璣定下了一個每場的小目標，「教練畀我哋嘅目標係令到佢成場比賽只係坐喺度，唔使企起身。」
女拔入局快KO培正
同日另一場拔萃女書院和培正中學對壘，雙方實力旗鼓相當，開局初段戰況緊湊，比分僵持不下。但女拔勝在入局較快，打出一段5比0攻勢，其後更將比分差距擴大至10分，首局先取25比15。換邊後女拔延續上局氣勢，培正雖欲急起直追，但始終無法扭轉劣勢，女拔最終再贏一局25比13，同樣取得「開門紅」。
伍靖華報道