贏夢想FC賀捧盃 和富大埔巡遊人人 l Like
和富大埔贏波攞尾彩！昨午「中銀人壽香港超級聯賽」煞科，5場賽事同時舉行。其中已提早封王的和富大埔，於主場以3比1擊敗夢想FC。完場後更帶着冠軍獎盃，乘坐開篷巴士進行勝利巡遊，與區內居民一同分享勝利喜悅。
賽前和富大埔已鎖定贏得球會史上首個頂級聯賽冠軍，令主場大埔運動場fans加倍熱情，場面相當熱鬧。開賽僅9分鐘，「綠軍」就由馮慶燁把握敵衞解圍不果，近門射入先開紀錄。領先1球的大埔未有放慢攻勢，可惜多次埋門未能入波，反於44分鐘被夢想馬高斯的插水式頭槌破網，以1比1完半場。
易邊後雙方互有攻守，但大埔在主場fans吶喊助威下，於77分鐘由艾華頓建功，領先2比1，到補時階段，大埔「福將」辛祖為球隊埋齋，終贏3比1完場。
堅Sir︰想球隊繼續進步
賽後和富大埔在主場球迷見證下，正式捧起聯賽冠軍獎盃，場內大事慶祝後再於區內舉行巴士勝利巡遊，期間球隊教練團與球員均有下車與球迷合照和派發海報，大受歡迎。「綠戰士」主教練李志堅表示奪冠當然高興，更希望可以繼續進步，無論在大埔或其他地方也好。「堅Sir」又指︰「今季踢亞協盃對4.25SC，覺得兩隊波之間係有距離，作為職業球會，經過今季之後會知道有乜嘢可以改進，以應付來年嘅亞冠附加賽，呢個係我自己嘅諗法。球員係會想贏，呢個係事實，球會可以有唔同方向去搞足球，但個方針可以係乜嘢呢？希望大家個想法可以一致。」
大埔足主蔡尚圻則表示，假若「堅Sir」不跟他合作就不會再「搞波」，但目前已給予他最大自由度為下季組班，並透露球隊有部分人腳經已落實，惟詳情則未能透露，他又指︰「呢個冠軍唔係只屬於我哋任何一個人，而係大埔呢個地方，呢隊波每一個球員、教練同職位都好盡力，佢哋今年得到呢個回報，我覺得係應該嘅！」
圖/文︰何彥霆