on.cc東網直播紅假好波 理文香港飛馬為你盡做

「中銀人壽香港超級聯賽」今午同時間安排兩場賽事,當中直播賽事為剛於上周躋身菁英盃決賽的理文,在將軍澳運動場迎戰香港飛馬。兩軍主帥異口同聲表示,餘下3輪聯賽會盡全力爭取最多分數,以最佳排名完成賽季,惡鬥在所難免,絕對是球迷假日的最佳節目!(on.cc東網周六下午2時30分直播)

陳曉明:唔會因菁英盃留力

主場出擊的理文上仗菁英盃4強大勝夢想FC,下周將與佳聯元朗爭冠,球隊目前於聯賽有8分,比榜尾的凱景僅多4分,在聯賽尚有3輪下,護級仍未安枕。主帥陳曉明表示今仗及之後對夢想FC與凱景的兩輪聯賽,會以贏波做目標,爭取更佳的排名,不會因菁英盃決賽而選擇「留力」︰「首先要視乎傷兵情況決定邊個落場,上場踢完有啲傷嘅球員,都會畀佢哋休息,但唔存在因為呢場波相對地冇咁緊要而留力。之前都講過希望嚟緊呢3場聯賽攞晒9分,會安排最好狀態嘅球員出場。」

至於傷兵方面,除中場白智勳日前操練時受輕傷外,「曉明Sir」透露前鋒梁嘉恆未來兩仗均會缺陣:「『嘉恆』情況唔係太理想,因為十字韌帶有啲傷,依家可能會安排佢做手術,如果真係要做手術今季就收咧,但係照咗磁力共振都仲未確定,要再觀察先可以決定。」

陳浩然:公平起見落足心機

香港飛馬上周同樣出戰菁英盃4強,惟以2比3不敵佳聯元朗,未能躋身決賽。主教練陳浩然坦承對賽果極度失望︰「如果冇睇場波嘅或者淨係睇比數嘅,只會睇到元朗晉級而我哋輸波,但係我同球隊都覺得,晉級嘅應該係我哋,呢場係球隊今季表現最好嘅一場比賽,最尾贏唔到梗係失望,但係全隊上下好團結,無論鬥志同士氣,成隊波都好想去贏。」

「陳Sir」同時強調,雖然球隊已在盃賽出局,但餘下賽事仍會全力以赴︰「我覺得嚟緊呢幾場波,係要為球迷去踢,贏輸當然重要,但更重要係我哋畀心機去踢,咁先可以對其他球隊公平,始終我哋之後對南區同富力,會影響成個爭標形勢,同時間我哋都希望攞到個高啲嘅排名。」傷兵方面,右膝受傷的門將梁興傑將缺陣,而祖連奴及佐佐木周周中雖曾患病缺操,但兩人並無大礙。

何彥霆報道