和富大埔帶定乾糧砌黎明

哈利上陣睇情況

「堅Sir」早前曾到蒙古觀看首圈賽事，向黎明ＳＣ刺探軍情，在他眼中對手踢法十分整體、簡單直接、行軍速度極高，肯定不是容易應付的對手。問到陣中射手哈利的傷患進展，「堅Sir」表示：「有機會（正選）嘅，不過都好睇去到頭一兩課操練操成點，雖然哈利上場臨尾都有後備落場，但其實都紮得好實。始終都要睇情況，因為嗰邊天氣好凍，同埋佢又咁耐冇踢。」

和富大埔中場黃威曾隨港隊作客北韓，他認為面對最大的障礙，就是對手的主場氣勢和當地飲食：「上次亞洲盃外圍賽，佢哋主場坐咗幾萬人，其實個環境都令我哋好難踢。另外飲食方面，香港隊係試過唔夠食嘅情況出現。自助餐嘅食物都係出一盤之後就唔會再refill，呢方面都要注意。」他笑言今次「醒目」自備了一些乾糧，以備不時之需。