高美斯戴帽冠忠南區命運睇今日

上半場初段凱景不乏攻勢，金玟基底線傳中造就歐文洛射門，可惜未中目標。冠忠南區於12分鐘先開紀錄，高美斯單刀左腳熨入，29分鐘他門前一碼接應傳中惜頂中柱。1分鐘後凱景黃耀富禁區內犯手球，高美斯操刀12碼將紀錄改寫成2比0完半場。

換邊後凱景積極反撲，可惜金玟基兩腳射門無功而還，到66分鐘羅拔起腳又被對手護空門，凱景及後換入畢頓、陳瑋樂和羅梓軒，但未能收到成效，到補時3分鐘更被高美斯頭槌「埋齋」，完成帽子戲法。南區賽後以7分排B組次席，若今日同組理文與傑志打和，便可憑較佳對賽與香港飛馬攜手晉級。

「Mr.Right」形容傷患如離婚

養傷近4個月的「Mr.Right」高美斯，首度復出即連中三元，賽後難掩興奮︰「我無法用言語去形容呢種喜悅，因為之前未體驗過傷患，所以唔知個感覺係點。當你受傷時就好似離婚一樣，幫唔到隊友，依家我狀態仲未十足，要多啲時間慢慢康復。」他同時感謝教練Ricky（鄭兆聰）及隊友的支持。