和富大埔東方龍獅拗手瓜
正準備下月亞協盃附加賽的和富大埔，今午2時30分港超主場出擊，在大埔運動場出戰東方龍獅，主教練李志堅期望球隊延續上周3比0擊敗傑志的氣勢，再接再厲，同時提醒眾將面對任何球隊都不可掉以輕心。
安祖史杜錫：化失望為動力
「堅Sir」說︰「目前球隊最大嘅課題，係點應付嚟緊頻密嘅賽程，我之前去咗蒙古睇波，北韓代表黎明體育會首回合領先3球，我哋好大機會要去北韓踢（亞協盃附加賽），要喺8日內踢3場波，係幾辛苦嘅事，加上依家聯賽寸土必爭，希望大家可以繼續堅持落去。」「綠戰士」目前除中堅杜度受傷患困擾外，哈利及黃威亦有不同程度的傷勢，兩人有待觀察才決定能否披甲。
作客的東方龍獅上仗對南區雖一度領先，但及後被對手反勝4比1，各項賽事近6場不勝。今場面對和富大埔，主教練安祖史杜錫指出：「大埔組織能力強，部分球員表現突出，要喺戰術上作出部署，但我哋風格唔會變。大埔嘅防守反擊同南區有啲似，因此要更小心去應付。球員操練時好落力，呢點好重要。我哋已將上場輸波嘅失望轉化為動力，希望今場可以贏番！」