和富大埔迎戰傑志睇辛祖倒戈
「藍綠大戰」第4度上演！今日港超頭場屬「冤家聚頭」，和富大埔於下午2時30分坐鎮主場，迎戰「藍鳥」傑志。今場是兩隊繼社區盃、聯賽首循環及高級組銀牌決賽後，今季第4次交手。雖然往績上「綠衫軍」稍遜，但傑志剛於亞冠盃作客苦戰120分鐘後輸波而回，匆匆再戰又有辛祖倒戈相向，激戰可期。
傑志周二晚出席亞冠盃外圍賽次圈，作客馬來西亞球隊霹靂，鬥足120分鐘仍打和1比1，最終互射12碼以5比6敗陣，要轉戰亞協盃。事隔4日，回師聯賽又要應付「老對手」和富大埔，對球員體力是一大考驗，而「藍鳥」主教練朱志光強調最重要保持鬥志︰「足球比賽都係一場一場咁計，無論本地賽定係亞洲賽，乜都可以輸，唯獨是鬥志唔輸得！霹靂嗰場就證明咗，就算我哋踢10個人，個鬥志都仲係好好！只要保持呢個心態，對任何對手都唔係好大問題。」
「藍鳥」兵疲堅Sir認有優勢
至於大埔方面，「綠衫軍」早前於菁英盃分組賽不敵佳聯元朗，宣布提早出局，考慮到大埔仍要兼顧聯賽、足總盃及亞協盃3條戰線，主教練李志堅承認在用人方面要有取捨。惟今場面對「疲兵」傑志，「堅Sir」坦言依舊不敢輕視對手︰「我哋係有一定優勢，不過佢哋一定會有兩手準備，唔可以睇輕。」今場除了是雙方今季第4次交手，更是辛祖倒戈之戰，面對舊東家，辛祖表示「完全ready」，並稱儘管在傑志度過一段美好日子，但現身為「綠衫軍」，重遇舊隊友時一樣「冇面畀」，會盡全力爭取入球，協助大埔全取3分！