半場領先5:1理文霸氣大捷
凱景與理文昨日上演菁英盃頭場賽事，理文憑隊長干沙利斯大演帽子戲法，加上鄭兆均、尼迪利建功，以及對手的烏龍球，以6比2擊敗有金玟基起孖的凱景，並憑較佳對賽成績升上B組榜首。
開賽8分鐘，理文便先開紀錄，尼迪利地波傳中，鄭兆均門前掃入。16分鐘，理文再下一城，干沙利斯趁陸平中拍出不遠，門前撞入2比0。23分鐘，尼迪利博得12碼，親自操刀中鵠，為理文拉開至3比0。得勢不饒人的理文繼續強攻，38分鐘先有干沙利斯接應角球頂入，2分鐘後再有鄭兆均橫傳，曾梓軒擺烏龍，理文以5比0領先。落後的凱景於補時階段，由金玟基頭槌破網，扳回一城。
干沙利斯連中三元
換邊後，凱景採取主動，64分鐘金玟基禁區內轉身抽射入網，追至2比5。戰至74分鐘，理文憑隊長干沙利斯主射12碼得手，擴大領先優勢至4球。最終理文以6比2擊敗凱景，與香港飛馬同得6分，理文以較佳對賽成績升上B組榜首。
理文助教曾昭達賽後表示：「上半場5比1領先係喜出望外嘅，見到球隊新外援開始磨合到，但兩個失球可以再做好啲。」凱景主教練馮凱文則強調「我哋都係聯賽優先，盃賽輸波唔係一件壞事，可以畀球員吸收經驗」。