42分輸畀溜馬職業生涯最曳
其實「3萬2先生」呢個頭銜相當巴閉，事關喺勒邦占士前面嘅4位球員分別為「天勾」渣巴、卡爾馬龍、高比拜仁同米高佐敦，全部係NBA名人堂成員兼一代巨星。不過，即使勒邦占士強如「萬人敵」，佢嘅湖人「豬隊友」就勁唔生性，以今場為例，占士拎18分、7個籃板、9次助攻，3項數據統統係全隊最高，反觀溜馬有7人得分達雙位數，其中保丹奴域射入24分，端納亦有22分進帳，結果湖人以42分之差敗陣，呢個分差亦係「大帝」職業生涯最大嘅敗仗，相信佢永遠會記得呢日。
更攞命嘅係，近期傳出湖人有一半球員可能被交換去其他球隊，軍心散漫之下，睇怕勒邦占士難有好日子過。