勒邦占士喺節目《The Shop》中爆大鑊，球員若然唔按照ＮＦＬ呢班幕後話事人嘅要求去做，佢哋就會將你踢出局。「大帝」補充話球員先係聯盟基石，如果冇球員比賽，又何來會有ＮＦＬ，同樣道理放諸ＮＢＡ聯盟身上亦一樣：「兩者嘅分別係，ＮＢＡ選擇相信同尊重球員嘅潛力，但ＮＦＬ則只會着眼球員喺比賽中，會為老闆們做到啲咩，若球員未能達到要求就會被踢走，總之佢哋覺得自己大晒！」
讚ＮＢＡ總裁願意聆聽
勒邦占士趁機稱讚NBA總裁阿當施華：「我好感激阿當施華，佢唔介意我哋表達內心嘅感受，無論同意與否，至少願意聆聽，只要我哋係以非暴力方式去表達意見，佢大多會完全贊成！」