湖人喺NBA作客以110比128不敵巫師，勒邦占士（左）大跌Watt得13分，6個籃板同3次助攻，打咗3節就放棄比賽「收工」，導致湖人慘敗。勒邦占士效力騎士同熱火時都傳過佢唔理教練指示，根據自己喺球場上嘅判斷去布置戰術，加上佢習慣拎波喺手乜都做晒，原本被捧為湖人希望嘅波爾，明顯失去控球後衞應有嘅球權，球員時代打過多支NBA球隊嘅史堤芬積遜更加話，禾頓唔係湖人真正教練，占士至係喎！
