香港東方於東南亞職業籃球聯賽（ABL）大戰澳門黑熊，迎來主場第二擊！相繼不敵寶島夢想家及印尼泗水騎士之後，香港東方今晚於灣仔修頓室內場館迎戰擁有前南華球員余理洋助陣的澳門黑熊，遇上甲一老對手，香港東方主力李琪表示：「好開心更多香港人打呢個職業聯賽，今場希望兩隊可以打場好波！」（有線601及661台周二晚8時直播）
澳門黑熊對澳門戰狼一戰，全隊轟入19個三分打破ABL單場最多三分球紀錄，李琪認為今場必須要做好防守：「今場以防守行先，守三分要畀對手更大壓力，對手幾位球員包括余理洋、甚至中鋒都射到三分。對手主要由Anthony Tucker發動攻勢，打好多pick and roll，佢哋比較側重進攻，防守方面反而較弱，希望我哋可以好好利用『大Sam』（迪加拿），令佢統治到籃底。」
「因為現時球隊戰術以『大Sam』為進攻重心，多數由佢起手，所以依家比以往更少外圍投射，但如果有機會我依然會毫不猶豫出手！」身高達2米26的迪加拿今季強勢加盟香港東方，成為艾利諾之外的新進攻重心，昔日的「浪花兄弟」在外圍起手次數亦因此變少，對此李琪表示只要有空檔，亦會把握機會投進三分球。
再對前甲一老對手余理洋，李琪直言感到開心：「見佢愈打愈好，相信開始適應ABL嘅強度。有更多香港人出戰職業聯賽當然係開心事，希望大家都打場好波！我哋首先要減少失誤，外線防守方面亦要加強，之前對手太輕易射入三分波，呢兩點一定要改善。只要打番水準，我哋係可以贏，希望更多球迷入場支持我哋！」