我嘅夢想係成為成功嘅職業足球員，踢中堅位置主要與外援競爭出場機會，過程中必定遇到好多困難同挫折，我深信信念同態度係克服困難嘅必要元素。英國留學加踢波期間令我心智更成熟，令我明白「欲速則不達」，要經過磨練及雕琢，先可以成長同進步。
由香港飛馬贏得雙冠軍，以至代表南華踢亞協盃八強賽，與「豪哥」和「均宜」兩位前輩相比，根本唔係咩偉大成就，但對我而言總算係實現夢想嘅第一步。現時喺廣州嘅生活模式同英國嗰陣相似，由於訓練基地同住宿接近，令我有充裕休息時間同更集中參與訓練。
今季希望能為球隊奪得一至兩個冠軍，繼而成為香港隊常規成員同爭取到正選席位。
專欄輪住嚟
富力R&F後衞 梁諾恆