C朗拿度剛剛打完歐聯，趁住小休即陪囝囝及女友喬治娜齊齊去倫敦睇ATP網球年終賽，親身撐祖高域對美國伊士拿之戰，比賽期間一個網球飛向喬治娜，C朗即出手「護花」（圖），試圖用右手接住網球，但網球打中C朗右手又彈出，之後打到喬治娜頭上，C朗出現「牛油手」只好望着女友尷尬一笑。而祖高域最後在這場比賽以6比4、6比3取勝，他賽後被問到C朗撐場，祖高域回答：「我着嘅比賽衫同佢球會嘅波衫顏色好似，我諗佢會睇得更開心。」
