梁兆華籲年輕人放低手機
以「青春」、「熱血」交織而成的學界籃球近年大受歡迎，而一年一度學界盛事「NIKE全港學界精英籃球比賽」下月爆發，效力南華的香港男籃代表梁兆華，昨日到新亞中學出席NIKE「Dribble &」籃球校訪活動，鼓勵學生透過打籃球，發展積極人生。
從一開始就成功的人很少，新亞中學現階段未能打入精英賽，但不代表將來不可能，梁兆華以「Dribble & Hard work」勉勵他們：「我相信做咩都好，勤力就會有收穫。以前我剛剛上甲一打南華由後備打起，自己定下目標要喺一段時間內做到正選，當時我比人付出更多時間、努力，球會一星期練3日、理工大學校隊練2日之外，自己會再健身、同朋友去街場射波或練技術等，希望可以追上前輩，最終都算達成願望，係籃球令我對自己要求更高。」
「多啲運動 人都精神啲」
「兆華」又鼓勵年輕人放下手機，多參與運動：「我建議學生唔好打咁多機，以前我都好鍾意，但依家已經完全唔玩喇。其實做多啲運動，人都精神啲，對學業都會有幫助，大家可以試吓打籃球，我相信佢哋會愛上呢種真實感！ 」
余樂詩報道