黃威閃電建功和富大埔淘汰冠忠南區
「高級組銀牌」8強尾場昨於青衣運動場舉行，和富大埔憑黃威閃電入波，以1比0氣走冠忠南區，晉級將與富力R&F爭逐決賽席位。
今場雙方埋牙即搶攻，冠忠南區前鋒迪亞高甫開賽即施展遠射，可惜僅中網頂。其後和富大埔中場陳肇鈞禁區內後傳黃威射入，開波僅2分鐘即為大埔閃電開紀錄。早早打開缺口，令雙方戰況更激，埋門鏡頭不斷，大埔勞高更於21分鐘再次將送皮球入網，可惜越位在先食詐胡，令大埔帶着1球優勢入更衣室。易邊後兩軍繼續拳來腳往，隨着南區劉學銘完場前混戰中半窩利抽射中柱，最終南區以0比1飲恨，而和富大埔殺入4強將惡鬥富力R&F。
晉級4強鬥富力R&F
賽後和富大埔主教練李志堅表示：「入咗一球之後，球員比較保守，我覺得把握唔到第二球，係踢得咁辛苦嘅原因。」問到球隊在下輪聯賽及銀牌4強將兩鬥富力R&F，「堅Sir」會如何應對，他就明言會在聯賽先作測試：「今年嘅富力好完整，相信會係一場硬仗。不過盃賽又唔同，下星期喺聯賽同佢哋踢下先，睇下佢哋去到邊個程度，再諗點樣應對。」