險勝夢想FC傑志闖4強
昨午「高級組銀牌」續演8強戰，頭場於旺角大球場舉行，傑志憑盧卡斯和華杜斯的入球，以2比1擊敗有馬高斯破蛋的夢想FC晉級，4強對手為東方龍獅。
華杜斯回巢後首度建功
開賽初段雙方互有攻守，但不論盧卡斯還是拿祖的頭槌均未能奏效，稍稍佔優的傑志於22分鐘成功打開紀錄，由盧卡斯於禁區內車身窩利射入。35分鐘傑志再下一城，華杜斯趁對手解圍不遠，第一時間抽入，「藍鳥」領先到2比0完半場。
下半場夢想FC雖搶回不少控球時間，但仍未能取得入球，於56分鐘，門將屠俊翹出迎剷跌盧卡斯領紅被逐，幸好10人應戰的夢想FC未有氣餒，到81分鐘更博得12碼，拿祖主射雖被王振鵬撲出底線，但其後的角球攻勢卻有收穫，馬高斯混戰中衝頂入網，為夢想追成1比2，可惜為時已晚，最終傑志仍贏2比1。
賽後傑志主教練朱志光表示：「球員領先兩球之後放鬆咗，另外喺攻守轉換同領先之後要做啲咩仲未掌握得好好。」夢想FC主教練梁志榮則稱：「表現其實幾好！踢少個嗰陣我叫球員大膽啲向前逼，大家都係搏一搏，但係效果幾好。」