占士「地標戰」湖人不敵拓荒者
大帝「地標戰」又出事！昨晨NBA常規賽焦點，非勒邦占士首度披起湖人「黃金戰衣」出戰正式賽事莫屬，湖人今場作客拓荒者，「大帝」施展渾身解數取悅粉絲，更以一球大力入樽「開齋」，可惜一班隊友表現平平，最終湖人以128比119見負，令「大帝」4次為新東家上陣首戰都要輸波。
翻查往績，勒邦占士在2003年於騎士的出道戰，球隊以14分之差不敵帝王，到2010年轉投熱火，首仗就以80比88敗予塞爾特人，2014年「大帝」重返騎士，就遭紐約人以5分之差擊敗，來到今次君臨西岸，原本有個好開始，湖人一開波就打出一段10比4攻勢，勒邦占士更於首節剩9分21秒時，在後場搶斷成功，再單騎殺入籃底大力入樽，首度為湖人在常規賽得分，即盡顯霸氣。可惜其湖人隊友未能跟上勒邦占士的節奏和水平，更連續射失15個三分球，結果拓荒者在攻入全場最高28分的列拿特帶領下，以128比119贏波，保持近16次主場對湖人全勝的佳績。