佳聯元朗夢想FC鬥青春鬥熱血！！
今午5時30分於元朗大球場舉行的港超聯賽事，由佳聯元朗主場鬥夢想FC，兩隊同樣以年輕球員為骨幹，賽前雙方主教練郭嘉諾、梁志榮互笠高帽，並期望踢場好波報答球迷！
佳聯元朗上場逼和傑志，士氣提升，主教練郭嘉諾仍未敢放鬆：「兩隊好相似，今場3分唔係穩袋，但我哋會好好準備，話畀球迷聽，用青年球員比賽都可以好好睇！」球隊上輪在傑志身上搶回1分，代價是守將羅振庭兩黃一紅被逐，今場要停賽，「郭Sir」對此並不擔心，認為後備球員如具備港超聯經驗的謝偉俊可頂上。
夢想FC主教練梁志榮坦言雖士氣或不及對手，但會全力爭勝：「大家人腳其實差唔多，元朗球員鬥心、近況同團隊精神都幾好，我哋未開齋，今場會全力爭勝！」