過去個多星期大家專注討論嘅話題，相信都係「山竹」呢個超強颱風， 好早之前天文台已經作出呼籲，提醒市民好好防範呢個颱風蒞臨，大家亦都作出相應嘅防範措施。但係呢個「山竹」實在史無前例，風暴過後出現好多問題，就連好幾個球隊嘅主場同練習場地都受到嚴重嘅影響。
好似傑志嘅訓練中心就因為河水氾濫，慘變廢墟。就連香港飛馬平時用嘅九龍仔仿真草球場都受到影響，令球隊無法如常操練。在此希望香港社會可以盡快回復正常，市民可以正常生活。
轉下話題，今季自己嘅位置嚟咗個180度轉變，由一個中鋒變成一位中堅。其實自己都用咗季前嘅兩個月去適應，因為中堅只有喺業餘時候踢過。經過季前嘅集訓，自己感覺大致上都冇咩問題，始終教練希望由中堅開始組織攻勢，所以就有咗「中堅7」嘅出現喇。
畀個目標自己，今季要攞「最佳後衞」，哈！哈！
香港飛馬中堅 陳肇麒