夢想FC冠忠南區8pm搏甩髀

上仗主場遭香港飛馬4比1蹂躪的夢想FC，賽事期間一度憑希堅奴的入球扳平，若非該名前元朗前鋒下半場連番攻門均被客軍門將梁興傑救出，戰果或已改寫。今晚球隊再度主場出擊，主教練梁志榮表示︰「球隊上下坐低睇過片檢討，亦鄭重提醒球員要留意自己做得唔好嘅地方，佢哋喺練習期間有改善，希望臨場都可以做得到。基本上球員喺呢個禮拜都好集中操練，效果都算幾好。」

細榮有計：好好招呼蘇沙

「細榮」亦表明球隊需要好好「招呼」蘇沙︰「對手呢幾年個踢法同入波本錢，都集中喺罰球戰術，佢哋好識利用蘇沙呢個球員，所以我哋希望減低佢嘅威脅，同減少輸罰球同角球。」夢想FC今仗有謝敏榮、梁國威及彭超然因傷倦勤，但主將祖亞昆會復任正選。

冠忠南區首輪賽事因天雨延至上周舉行，最終以3比1擊敗新軍凱景，於聯賽榜暫排次席，今仗若能贏波，便可一嘗「一哥」滋味。但主帥鄭兆聰認為夢想FC輸波後更加渴望爭勝，故不能掉以輕心：「呢場波會好難打，佢哋今場應該好大決心博反彈。我提咗球員，一定要好集中！」日前代表巴基斯坦出戰南亞錦標賽的列文，周三晚（12日）4強戰不敵印度出局後，經已趕回香港，鄭兆聰表示會視乎情況再決定會否遣其上陣。

介紹番！馬騮朱偉鈞

雖然夢想FC上仗大敗，然而主帥梁志榮賽後表示喜見隊中小將有進步，其中獲點名稱讚的19歲前鋒「馬騮」朱偉鈞（圓圖），今季首仗便以正選披甲，他希望在新一季港超可得到更多上陣機會：「上季我嘅表現唔合格，可能因為從青年軍提升上一隊後落場機會少咗，加上心理質素唔好，好多方面都要改善。新一季我要保持積極尋求進步空間嘅心態，爭取多啲上陣時間之餘，都想快啲攞到第一個港超入球，亦希望幫到球隊打入菁英盃決賽。」