胡兆康有遠見做番學生哥
剛於雅加達亞運贏得團體銀牌的「保齡天王」胡兆康，昨日出席鐘錶活動時透露大計，明年將重返校園，修讀體育學位課程。「今次得銀牌，可能個天想我繼續進步，2022年亞運再嚟過，不過自己其實好開心喺團體賽拎牌，因為比賽項目由6個減至3個，之前都擔心會唔會減低贏牌機會。好在最後有獎牌，令保齡球可以留在精英項目。」
開興趣班 向小朋友推廣
今年是胡兆康出道20周年，34歲的他表示除希望在世界賽爭取佳績外，亦有一些新目標：「現時球場愈嚟愈少，自己會同總會配合，開興趣班教小朋友打波，畀更多人接觸保齡球，另外下年打算報讀關於體育嘅學位課程，自己會先惡補英文打好基礎，希望有學校收我啦！」香港年尾將舉行保齡世界賽，這位前世界冠軍揚言：「希望可以抵住主場壓力，再贏獎牌！」