風之隊收獎金陳晞文請食飯

周六赴日參賽 摸熟奧運場地

陳晞文雖然在女子RS:X項目未能衞冕「由金變銀」，但師弟妹得獎更令她大感安慰：「馬君正同何允輝4年前係我嘅訓練夥伴，今年佢哋終於可以企上頒獎台，有屬於自己嘅獎牌。」4位得獎運動員周六就要出發日本東京，參加本月11日舉行的江之島世界盃賽事，藉此熟習東京奧運的比賽場地，而下年意大利世界錦標賽將是隊內奧運選拔的首站，眾人將力爭最後1男1女的奧運資格。首次有份爭奪奧運資格的何允輝表示：「隊內氣氛良好，晞文同教練們都好樂意解答我問題，唔會嫌我煩。」陳晞文亦指競爭愈大愈好。

香港風帆隊成為精英項目後，各方面支援都得以改善，幾位俱表示這一代香港運動員很幸福，馬君正稱：「細個時『珊珊』（李麗珊）嘅舅父黎根同我分享過，原來以前出外比賽嘅板袋都係喺長洲用人手一針一線縫出嚟！上一代原來要付出好多，所以依家我有咁好嘅訓練條件，會好珍惜。」

港風帆隊亞運獎勵

香港風帆代表 亞運得獎項目 獎金

陳晞文 女子RS:X銀牌 4萬港元

鄭俊樑 男子RS:X銀牌 4萬港元

何允輝、馬君正 男女混合RS:ONE銀牌 4萬港元