大坂直美有突破首闖8強
大坂直美打出驚喜，首度躋身大滿貫8強！美網女單16強兩位20歲小將對決，日本大坂直美以6比3、2比6及6比4力挫白俄羅的莎芭蓮卡，進身8強。由於另一日本球手錦織圭亦殺入男單8強，成為自1995年以來，大滿貫賽事首次出現男女子單打8強均有日本球手的情況。
大坂直美賽後極其興奮：「我一直夢想喺呢度比賽，可以晉級8強或更佳成績，依家終於達到目的，實在好開心！」對於兩名日本球手殺入大滿貫8強，她就表示：「早前喺溫網睇到綿織圭出色表現，對我嚟講係好大嘅鼓勵，我好高興能夠喺美網創出呢項紀錄。」大坂直美下仗將對烏克蘭球手朱蓮高。
寶娃「自殺式」輸壽星女
另一場16強大戰，「俄羅斯天后」舒拉寶娃以4比6及3比6不敵西班牙娜華露，未能再進一級。「寶娃」全場無壓力下犯錯達38次，「自殺式」演出令其連續兩年16強止步，造就在比賽中度過30歲生日的娜華露，自2013年後再入美網8強。寶娃出局後極度沮喪：「我唔知佢生日，而且呢場只係網球比賽，輸波主要係未能保持穩定狀態。」