滑浪風帆添3銀陳晞文衞冕失敗眼濕濕！！
亞運滑浪風帆賽事昨於雅加達北面海區進行，經過14場比賽後，港隊於RS:X男子組、女子組及RS ONE混合隊際賽，分別憑鄭俊樑、陳晞文、馬君正夥拍何允輝，基本上確保以第二名完成，提早一個比賽日擸走3銀！
鄭俊樑昨日賽前雖被排榜首的中國選手拋開，並受南韓選手緊追；昨日3場比賽，但鄭俊樑分別取得2次冠軍及1次亞軍，雖然甩開南韓選手，惜仍未能威脅榜首位置。至於衞冕的陳晞文，昨日3仗均屈居亞軍，無緣反超勁敵中國陳佩娜。而首次拍檔的年輕組合馬君正及何允輝，昨日表現略見失準，結果同樣被中國隊拉開至20分差距，在只剩明日最後一場比賽下，港隊在3項賽事中，如無意外可奪得銀牌。
去屆於亞運奪金的陳晞文，經歷失落里約奧運參賽資格，今屆再踏亞運舞台，她口裏雖說不太介意未能蟬聯，惟談及感受時卻將原本架在頭上的太陽眼鏡戴起，遮掩紅紅的雙眼：「已經盡咗力喇……對手真係好強，自己輸得抵，好多細微位冇把握好，畀咗好多機會佢。」這次力壓陳晞文的中國選手，正是世界冠軍、全運會金牌兼里約奧運銀牌得主陳佩娜，能夠將原有距離拉近，晞文已心滿意足：「頭幾日同佢咬住唔放，覺得好好玩！好想挑戰佢，之前未見過陳佩娜咁緊張、認真，原來我都會令世界級選手出現呢一面，希望今次經驗可以帶我走得更遠。」
馬君正何允輝互相扶持
至於出戰新增混合隊際賽的馬君正及何允輝，兩人「由細玩到大」並一起於世青賽奪銀，經過今次後友誼又昇華，馬君正愈說愈激動：「好想喊呀！因為一齊經歷好多嘢，有人話事業要上高峰，需要花10,000個鐘，我同佢一齊訓練都差唔多有8,000個鐘，呢一世見得最多嘅人就係佢。今次訓練過程，由只顧自己比賽，到互相支持，中間出現好多爭吵、磨合、鼓勵，所以今次銀牌意義重大。」