樂觀男李嘉維：帶傷仲勁啲！
李嘉維（Jimmy）可能是香港心態最好的運動員之一，這位亞運「三朝元老」昨日於空手道組手75公斤以下組別連輸兩場，8年來首次未能在亞運有獎牌落袋，不過Jimmy仍保持積極、樂觀態度，完全看不出原來他右膝半月板斷裂、軟骨磨到穿窿：「已經由上屆亞運捱到依家，惟有靠唔做某啲動作去避，冇右腳都仲有左腳同雙手，帶傷上陣會更集中，有機會仲勁啲添！」
連輸兩場失落獎牌
「我冇事，唔使擔心！」過去兩屆亞運，「大師兄」Jimmy收穫1金1銀，今屆於復活賽以0比8大敗予約旦選手，記者為他心情而憂慮，卻被他首句對話將擔心一掃而空。Jimmy說：「冇咩打擊喎！平時去世界排名賽成日有輸有贏，如果一個運動員心態好，輸咗唔會好唔開心、覺得好慘，要冷靜分析有咩改善。今次知道自己防守上仲有弱點，係一次好好嘅經驗，依家仲好有火，去打11月嘅世錦賽。」
去屆亞運前Jimmy已在右腳動過手術，為趕及出戰亦堅強忍受痛楚，最後奪銀更讓他把傷患放於一旁，4年來半月板及軟骨承受無數衝擊，完成今次亞運後會再動手術嗎？他樂觀地稱：「手術後要3至4個月恢復，可能會揀喺世錦賽後做，或者捱到奧運後，都捱咗咁耐，知道有咩方法令佢唔痛。以前我打比賽都係右腳支撐，依家有時會變左腳，都可以令我練多咗嘢，仲靈活啲。你有傷人哋都有傷，所以帶傷上陣係好正常，落到場都唔記得痛啦！」