港橋牌隊連擸兩銀

麥國輝：可能打多10屆8屆

兩隊選手於大型展覽廳的一間狹小房間內進行比賽，場內禁止發出聲音，就連攝影師的快門聲都有限制，那種寧靜的壓迫感差點令人窒息。港隊代表單偉彪、溫兆裘、黎偉傑、麥國輝、吳子翔及劉碧堅於男子團體賽決賽，首兩輪過後分數已被拋開，最終以52比107不敵新加坡獲銀。至於超級混合團體賽，由何煒霖、何凱桐、顧可容、黃慧敏、楊凱寧及陳佩怡組成的港隊亦未能擊敗中國，屈居亞軍。

首次參賽即有銀牌落袋，男團成員之一的麥國輝（KF）坦言開心又難忘：「好榮幸可以首次代表香港出戰亞運，呢個項目好幸運，無話幾多歲要退役，可能打多10屆8屆都唔出奇，亦希望嚟緊更多型比賽都有橋牌項目啦！」

港人對橋牌認識不深，亦少有留意橋牌選手的努力，KF寄望今次亞運可以成為起步點：「呢面銀牌對香港橋牌運動推廣作用好大，之前一直都冇途徑畀其他人知道，原來橋牌可以係亞運項目，對發展好有幫助。大家可能想像唔到我哋嘅辛苦，其實坐喺度每分每秒都用緊腦，體力消耗唔係大家想像中咁細。」