港超球隊佳聯元朗昨午於元朗大球場舉行拜神儀式，球隊上下包括剛帶領香港U23出戰亞運，同日從印尼返港的主教練郭嘉諾亦有出席。會長王威信透露，新球季班費約700萬港元，亦有望可以於開季前落實球衣的胸口贊助。繼早前落實前鋒卡立、慕沙及中場基爾頓等外援後，佳聯元朗再有23歲巴西防中基斯加盟，同時主席一職則改由其胞弟王德信出任。

王威信表示，期望球隊來季在港超聯繼續有良好發展，並給予隊中的年輕本地球員更多進步的機會，同時亦對主教練郭嘉諾充滿信心，希望可以藉着港超這個平台，令一眾年輕球員將來有入選香港隊的機會。

元朗新季由剛卸任香港23歲以下代表隊主教練一職的郭嘉諾執教，首次擔任港超球會主教練職務，他表示要繼續學習：「我已經準備好，之前都等緊一個擔任球會主教練嘅機會，因為我知道如果我要學多啲嘢，一定要透過港超聯球會主教練呢個位置先可以學到。王生（王威信）好早就同我傾過，我自己亦都好快就應承咗，因為佢哋重用年輕球員同埋我可以繼續執教香港隊嘅青訓梯隊。對我嚟講，雖然辛苦啲，因為我依家住將軍澳，每日來回元朗都差唔多120公里，但我覺得係值得。」

今季元朗以培訓年青球員為宗旨，「郭Sir」期望：「有啲球員之前喺球會機會比較少，今次佢哋嚟元朗就係攞機會嘅時候，等佢哋可以證明自己係有能力踢香港隊。」

主教練︰郭嘉諾

助教︰楊獻輝

守門員教練︰梁卓長

球會經理︰郭靜然

球隊助理︰鄭宇舜、劉榮華

門將︰陳嘉豪、葉嘉宇、蘇志偉

後衞︰謝偉俊、杜馬思、梁煒烽、嚴啟華、羅振庭、陳柏衡、法比奧、霍柏軒、周泊鈞

中場︰郭子堦、黃本煒、李藹軒、基斯、基爾頓、陳廣豪、黎格爾

前鋒︰葉子俊、慕沙、李駿謙、卡立