石偉雄奪金又救全家！

石偉雄史無前例連續兩屆於亞運跳馬項目摘金。（王藝霖攝）

初賽排首位的石仔在決賽壓軸登場，他首跳已經跳出水準，取得14.775的高分，第二次保持上佳發揮，獲得裁判的14.450分，最終力壓南韓選手，贏得冠軍。里約奧運冠軍得主北韓的李世光表現不佳，第二跳之後更扭傷足踝。

壓力比4年前更大

4年前在仁川石偉雄力壓帶傷的南韓名將梁鶴善，今次就將北韓老將李世光比了下去。石仔連續2屆以力退奧運冠軍的姿態、奠定了稱霸亞洲的地位。賽後石偉雄受訪不時哽咽，因為要爭取衞冕對他來說其實壓力很大：「對比4年前，真係壓力大咗，因為4年前係咩都無嘅情況去比，今次係因為可能要衞冕，但好彩可以發揮到，好多謝我教練艾加科斯夫，雖然佢轉咗去女隊，但喺我好需要佢嘅時候都會幫我，亦都好多謝教練白遠韶配合。」現時香港體操和4年前同樣面臨被剔出精英項目，如今「石仔」成功摘金，意味他再一次「一個救全家」！

「石仔」以高水平演出，由頭帶到尾奪冠。

賽後石偉雄即與體操隊成員相擁慶祝。

最想食M記致電家人

贏得手術後第一塊獎牌，「石仔」賽前一直未有透露目標，在奪金後終於鬆一口氣後表示：「其實唔一定要金牌，任何一個顏色嘅獎牌都可以。」在採訪期間心情久久未能平復，被問到最想吃甚麼的時候，他搞笑表示：「我最想食M記同打畀屋企人。」