傑志火併武里南聯施素高亮相!

去季港超聯賽、足總盃、菁英盃三料冠軍傑志,今晚8時於旺角大球場擺下擂台陣,迎戰泰超勁旅武里南聯。「藍鳥」今夏三線均有主力離隊,惟會方亦簽入多位具分量球員補充,相信以全新面目上陣的傑志,火併「過江龍」定會有一番惡鬥!想見證這場重量級賽事,球迷就要緊貼on.cc東網的現場直播!

傑志在新一季人腳變動大,福保羅、辛祖、艾力士、華杜斯、林志堅、盧均宜、林嘉緯等球員相繼離隊後,球隊簽入施素高、鞠盈智、泰迪、中村祐人作補充,亦回收了借將羅梓駿、林柱機。為備戰新球季,早前傑志已到南韓集訓,期間進行了3場練習賽,對陣首爾E-Land、安山和金浦,惜戰績一般,以1和2負完結是次集訓。從南韓回港後,傑志隨即約戰夢想FC,並以8比0擊敗對手。今夜惡鬥武里南聯,傑志主教練朱志光謂:「好難得搵到泰超嘅球隊嚟香港踢練習賽,因為喺開季之後好難再有呢啲機會,對我哋之後踢亞洲賽有幫助,所以勝負我哋擺開一邊先。」

羅拔有望披甲騷哥利

對手現時為泰超榜首,實力毋庸置疑,面對多場練習賽中最強對手,「朱Sir」坦言要小心為上:「始終對手係泰超榜首球隊,入球數字好高,所以我哋喺踢法上都要審慎一啲,同埋擔心比賽末段體能下降,所以開波初段會保守少少。」

早前「朱Sir」透露跟操的巴西前鋒羅拔仍需觀察才能決定是否簽約,故今場比賽亦會披甲上陣。問及比賽會否成羅拔「考牌戰」,「朱Sir」表示:「都唔算考牌嘅,因為佢都有一段時間冇比賽,都想睇下佢比賽狀態提升到咩程度。」

武里南聯主帥︰今場係硬仗

而客軍武里南聯昨日亦到賽馬會傑志中心進行訓練,球隊先進行約半小時熱身,再作約20分鐘分隊賽,最後以罰球、角球和射門練習作結。收操後,主教練班度域稱這場比賽將會考察年輕球員和演練戰術為主,認為與傑志友賽對雙方都有益處,亦會是場硬仗。對於傑志新援施素高,班度域謂:「這是個很有名、很好的球員,但最重要的還是要能幫助球隊。」

武里南聯國內三冠叫胡

泰超勁旅武里南聯今季成績驕人,現時不單高踞聯賽榜首,並打入足總盃、聯賽盃4強,三冠王「叫胡」。雖然部分球員要出戰亞運及有傷,今仗未能夫添應戰,惟主力射手迪奧高今季狀態極佳,上陣40場轟入33球,本身迪奧高能左右開弓,加上活動範圍廣闊,使對手後衞難以防守。同時,該隊中堅端尼斯為委內瑞拉國腳,能夠領導防線之餘,亦經常憑着罰球機會助攻得手,武里南聯稱得上攻守兼備。

不過,這支泰超勁旅並非無懈可擊,球隊今季表現慢熱,往往需經半場調整後才能發揮出應有水準,另外為挑戰三冠王霸業,武里南聯早前要在46日內勁踢13場比賽,體力消耗極大。然而,球隊於8月8日踢完聯賽盃8強後,球員紛紛四出度假,比賽狀態亦成疑。

訂購直播通行證50元睇好波!

為顧及未能入場及身在海外的球迷,傑志就2場在旺角場上演的熱身賽,安排了網上直播,有興趣觀看直播的人士,只要透過下列網址登記及付款50港元(每場)訂購「直播通行證」便可。

‧訂購按次收費觀看直播‧

http://tv.on.cc/kitchee/