郭Sir：頭兩場最少拎4分
港隊U23代表隊昨午飛赴印尼參戰雅加達亞運前，早上於賽馬會傑志中心進行出發前最後一課操練，準備明日首戰對老撾。主教練郭嘉諾表示操練效果不俗︰「周一終於齊20個人練波，由佢哋練習嘅態度話畀我知，個個都好想踢亞運，當大家有同一出發點時，凝聚力好快就做得到。」
對於早前賽會的抽籤風波，令港隊需多踢1場，「郭Sir」坦言有影響，並強調首兩場分組賽對老撾及中華台北十分關鍵︰「如果想出線嘅話，頭兩場波起碼要攞4分，希望打起信心。我哋球員身形較高大，包括列斯奧及劉學銘等，對老撾會有優勢，呢方面會特別注重。」
憶「金牌父親」一度哽咽
對於今次領軍，「郭Sir」亦十分期待︰「我自己好感動，實現到一個自己冇諗過嘅夢想。」當提及曾奪得亞運金牌的父親郭錦洪，「郭Sir」一度哽咽︰「我爸爸（中華民國代表郭錦洪）喺1958年亞運贏過金牌，嗰陣時佢22歲，呢塊亞運金牌亦成為我哋屋企家傳之寶，係佢留畀我最珍貴嘅一樣嘢，我希望60年後今次機會，報答番香港人同屋企人。」