大嗌「我愛香港」
史高斯剛坐完十幾個鐘飛機,即急急腳去到記者會現場,不過都冇黑面,皆因並非首次來香港的他,直言真的好鍾意香港這個城市:「好希望透過呢個平台,近距離同香港球迷接觸。」作為曼聯七小福之一,史高斯很清楚青訓的重要性,他希望大家可以支持是次師徒計劃,令年輕新進可以學到他的球場絕技。
上季紅魔於英超被曼城遠遠拋離,實力差距明顯,隨住今季聯賽即將開鑼,轉會窗亦進入倒數階段,不過曼聯季前準備比起其他球隊,似乎不太順暢,對此,史高斯堅持自己一貫批判態度:「我認為曼聯季前準備真係好混亂,我睇唔出佢哋有咩進步空間,紅魔上季未能把握機會奪冠,今季將好難縮短同曼城嘅距離。」