陳俊樂勇闖中超
中超球會廣州富力昨晚於其官方微博宣布，已跟港隊中場陳俊樂簽下為期3年半的合約。現年22歲的「樂仔」，去季效力和富大埔，並協助球隊奪得「三料亞軍」，對於今次轉戰中超，他認為是自己職業生涯一個發展的好機會︰「我喺香港一直都係踢港超聯，一邊讀書一邊踢波，完成咗4年嘅學業，都希望有一個更好嘅平台表現自己，嚟到呢度係一個好好嘅機會。」
陳俊樂亦指，希望能盡快融入球隊，在溝通上的優勢亦可令他更易適應：「嚟到中超聯賽，首先我一定要盡快適應呢度嘅比賽節奏，以及球隊嘅踢法，希望可以盡快得到出場嘅機會。我覺得球隊每位球員都好融洽，球員之間有好多互動，就算係外援同本土球員，都有好好嘅溝通，對我嚟講喺適應上會加快。我好細個已經識講普通話，嚟到廣州富力無論係廣東話、普通話或者英文，都可以同隊友好好傾吓偈，對我嚟講幫助好大，令我可以加快融入球隊當中。」
隨隊美國集訓交出助攻
「樂仔」一向愛錫女友，原定趁休季與女友、認識多年好友「大佬」梁冠聰、「細佬」梁諾恆等到歐洲旅行，但未出發先接到廣州富力要到美國洛杉磯集訓的消息，因此「樂仔」最終未能按計劃歐遊，剩下女友、「細佬」女友、「大佬」及其未婚妻與友人一行6人成團出發。
而今次美國集訓期間，廣州富力曾與USL球隊鳳凰重生踢熱身賽，初來埗到的陳俊樂披起6號球衣為廣州富力正選上陣，從球隊剪輯片段所見，「樂仔」不時參與進攻，更助攻隊友艾蘭沙維射入1球。
